Irakasle funtzioan ikasitakoa

Kontzeptu mapa:

Irakasle funtzioan ikasitakoa 2013-2014 ikasturtean:

Lehendabiziko lanetako bat LOE eta LOMCE hezkuntza sistemak aztertzea eta konparatzea izan zen, geroago beste taldekideei azaltzeko. Taldeka egin genuen lana eta oso baliagarria izan zen, izan dugun, dugun eta izango dugun hezkuntza sistemak ezagutzeko eta gobernu bakoitzarekin nola aldatzen diren eta zela eragiten digun ikusteko. 

Ondoren, nabaria izan da irakaslearen talde lanaren bultzatzea eta honekin taldean lan egiten ikasi dut.  Taldeko blog bat sortu eta erabiltzen ikasi genuen. Astero bi sarrera egiten genituen eta honek hezkuntzarekin zerikusia duen oro ikasteko balio izan dit, besteak beste oso interesgarria iruditu zitzaidan “Pigmalion efektua” delakoaren artikulua. Teknologia berriak menperatzeaz gain oso baliagarriak diren kontzeptu mapak egiteko aukera ere izan dut. 

Egin dugun lanik onena eta ikasteko gehien balio izan didana irakaslearekin elkarrizketa izan zen. Erreferente gisa dudan irakasle bati egin nion elkarrizketa eta irakasle mundu honetan dauden alde positibo, negatibo, abantaila eta desabantaila ugari kontatu zizkidan bere bizipenetan oinarrituz. Elkarrizketa hau, orain zein etorkizunera begira, erabat aberasgarria izan zen.

Beste lan bat, komunikazioko irakasgaiarekin batera egindakoa izan zen. Lan honetan irakasle lanak zertan datzan esatea edo kontatzea tokatu zitzaigun. Hausnartzeko  balio izan zidan irakasle izatearen inguruan eta orain ikuspegi zabalago bat dudala esan ahal dut. 

Jarraian, taldeko beste lan bat egin genuen integrazio sozialari buruz. Lan honekin, diskriminazioa nola ekiditu ikasi dut eta integrazioa eta inklusioa nola bultzatu. Gainera beste taldekideei azaltzeko aukera izan nuen eta aldi berean beste taldekoek beraien talde-lanak azaldu zizkidaten. Besteak beste, autoestima, egoera konfliktiboak, baterako hezkuntza, konfiantza eta adimen emozionalaren inguruan zerbait gehiago ikasteko aukera izan nuen.

Azkenik, egin dugun azkeneritako lana tutoretza izan da. Honekin, tutoretza saiorako prestatu beharreko gauzak eta izan beharreko jarrerak ikasi ditut.  Prestatu beharreko gauzetan, gurasoen galdetegia, zitazioa eta aktak egiten ikasi dut besteak beste. Jarrerei dagokienez, konfiantza, gertutasun fisikoa, gorputz jarrera, zuzentzailea edo ez zuzentzailea noiz izan behar den ikasi dut. Ebaluaketaren inguruan ere aritu gara eta zein ebaluazio irizpide jarraitu aukeratzeko balio izan dit.

Etorkizunera begira, irakasle funtzioa uste dut izan dela, momentuz gehien irakatsi didan irakasgaia.