FINLANDIAKO HEZKUNTZA

Finlandia Europako ipar-ekialdean aurkitzen den herrialde bat da eta bertan irakasten den hezkuntza mundu mailan dagoen garatueneritakoa, eta emaitza onenaritakoak ematen dituenen artean kokatzen da. 

Bertan 6 milio biztanle bizi dira eta baliabide naturalak ez daudenez eta esportazioak oso urriak direnez, dirua, pertsonen sormen ahalmenari eta inteligentziari buruz eskuratzen dute. Hau dela eta, garrantzi handia ematen diote hezkuntzari herrialde honetan. Eskolen %98-a publikoak dira eta guztiz dohanikoak, zergen diruekin eskolako gastu denak ordaintzen baitira, jangela eta eskola materiala besteak beste. 

Familiari dagokionez, hauen inplikazioa erabatekoa da eta haurtzarotik semeen eskolako lana eta eboluzioa jarrai dezakete egunerokotasunean. Gainera, gurasoak, naturaltasun osoz,  klaseetara joan daitezke irakasleek eta umeek lana nola egiten duten ikusteko. Gurasoak bileretara joatea guztiz normala da eta lanetik joan daitezke bilera hauetara joan ahal izateko. Joaten ez badira, zerbitzu sozialekin kontaktuan jarri daitezke zentroko irakasleak, gurasoen laguntza eta inplikazioa oso garrantzitsua dela uste baitute. 

Oso aspektu garrantzitsu bat gurasoen baimenak dira. Gurasoak lanean badaude eta ume bat izaten badute, umeak hiru urte izan arte egon daitezke lanera joan gabe. Denboraldi horretan, ez dute lanpostua galtzen eta soldata minimo bat jasotzen dute. Honek gurasoei semeak heztea laguntzen du  gero eskolan irakasleek irakasteko. Irakaslearen funtzioa ez da heztea, umeari irakastea baizik. 

Espainian, ume batek ordu kopuru berdinak ematen ditu eskolan eta telebistaren aurrean. Finlandian aldiz, egunean ordu bat edo bi ikusten dute telebista, aurretik etxeko lanak egiten dituztelako eta irakurri egiten dutelako. Gainera, Finlandian, telebistako telesail eta filmak  ez daude itzulita beraien hizkuntzara eta azpititulaturik daude, honek umeak irakurtzen ikastera bultzatzen du. 

 Lau hizkuntza ofizial daude Finlandian, Finlandiera lehendabizikoa eta beste hirurak, hau da, Suediera, Samia eta Kalu-Finlandiera kokapenari dagokionez banatzen dira. Bosgarren hizkuntza ingelera da eta nahiz eta ofiziala ez izan edonork hitz egiten du. 

Eskolari dagokionez, gela bakoitzean irakasleaz gain 18 ikasle daude gehienez eta ikasle masibitatea ez da ematen gelaren barruan. Klaseak 45 minutukoak izaten dira eta hamabost minutuko atsedenaldiak egoten dira klase bakoitzaren ostean, hau da, 5 edo 6 egunean. Honekin, ikaslearen arreta maila handitzea lortzen da irakasgai bakoitzean. Jarrera onak etxean irakasten direnez askoz errazago ematen dira klaseak eta umeak askoz ere gehiago ikasten dute. 

Irakasleen esparruari begiratuz, bokazioa eta hauen prestakuntza bilatzen da. Irakasle izan nahi dutenaren %15 bakarrik iristen dira irakasle izatera prestakuntza maila oso altua eskatzen baita. Irakasle hauek, ikasleen onena ateratzea eskuratzen dute eta askoz ere gehiago garatzen dira.

Ezaugarri guzti hauek dira Finlandiako hezkuntza hain garatua eta hain emaitza onak ematearen erantzuleak eta herrialde asko, hau kopiatzen saiatzen dira baina ikusten dugunez, ez da hezkuntza soilik aldatu behar baizik eta inguruko gauzak eta baita jarrerak ere, denak eragina baitu. 

Guzti honen adibide gisa, hemen uzten dizuegu La Sexta katean igandero ematen den Salvados telesailaren  Finlandiako hezkuntzaren telesaileko laburpen bat eta osorik ikusi nahi duenarentzat La Sexta-ko web orrian dago. Iksutea gomendatzen dugu oso interesgarria baita.